Poetry

• ကားတွေက ပိုနေတယ်
• လမ်းတွေက လိုနေတယ်။
• လူတွေက ပိုနေတယ်
• ပလက်ဖောင်းတွေက လိုနေတယ်။

• သစ်ပင်တွေက ပိုနေတယ်
• မြို့ပြကနေ နှင်ထုတ်
• သစ်ပင်တွေ ခုတ်ကြ
• တိုးတက်ချင်ရင် တော​တွေရှင်းရမတဲ့။

• ဆန့်ကျင်ဘက် အတွေးတွေမှာ
• အပြစ်ရှိသူတွေက
• သစ်ပင်တွေပဲ ဖြစ်ခဲ့တာ
• ခေတ်မီချင်လို့ တဲ့လား။
• ခုတ်ပစ်ကြ၊လှဲပစ်ကြ
• သဘာဝတရားကိုအရေခွံခွာ
• သားရေ ဆုတ်ကြ။

• အပိုတွေများနေတာက
• တက်ကျမ်းအလိုအရ တိုးတက်ချင်စိတ်၊
• အလိုတွေများနေတာက
• ခြေကုန်လက်ပမ်းကျနေတဲ့
• ရိုသားစိတ်။

• ဟိတ်သံပေးရင်
• မျိုးဆက်တွေ တိတ်ကြပေရော့၊
• အလိုကြီးသူများအတွက်
• သောကအပိုတွေ
• စိုက်ခင်းလိုက်ရှိပါတယ်။

………. လွတ်လပ်အိမ်